ЦХИНВАЛ, 10 фев – Sputnik, Плиты Фатимӕ. Экологион организаци "Цъӕх Алани" райдыдта аразын Хуссар Ирыстоны хихджын зайӕгойты мини-питомник. Уый тыххӕй Sputnik-ӕн радзырдта змӕлды разамонӕг Габаты Зӕлинӕ.
Ацы аз организаци ныссагъта Хуссар Ирыстоны климатӕн экзотикон хихджын зайӕгойтӕ, сӕ нымӕцы астӕуккагденджызон назбӕлас, кедры стланик, Тунбергы назбӕлас ӕмӕ зазы тауинӕгтӕ.
Организацийы уӕлдай хъусдард здахынц зазмӕ.
"Заз махӕн у ахсджиаг, уымӕн ӕмӕ йыл дзырд цӕуы Нарты кадджыты ӕмӕ йын ис сакралон нысаниуӕг. Зазы тауинӕгтӕ ӕрӕмбырд кодтам Хуссар Ирыстоны ӕмӕ сӕ нывӕрдтам миты бын, цӕмӕй хуыздӕр зайой", - радзырдта Габаты Зӕлинӕ.
Йӕ ныхӕстӕм гӕсгӕ, хихджын бӕлӕстӕ зын у зайын кӕнын.