ЦХИНВАЛ, 14 фев — Sputnik. Уӕрӕсейаг ӕфсӕддонтӕ ссӕрибар кодтой цӕрӕн пункттӕ Дачное ӕмӕ Зеленое поле Донецкы Адӕмон Республикӕйы, фехъусын кодта майрӕмбоны УФ Хъахъхъӕнынады министрад.
Афтӕ ма уӕрӕсейаг дӕлхайӕдтӕ къуырийы дӕргъы ссӕрибар кодтой цӕрӕн пункттӕ Орехово-Васильевка, Дзержинск, Ясеневое ӕмӕ Водяное Второе.
Уагдоны ма банысан кодтой, Уӕрӕсейы Гарзджын тыхтӕ иттӕг дырыс ракетӕтӕй ӕмӕ ӕнӕпилотон тӕхӕг аппараттӕй 14 къордон ӕхст фӕкодтой Украинӕйы ӕфсӕддон ӕмӕ энергетикон инфраструктурӕйы объекттӕ, аэродромтӕ ӕмӕ ӕнӕпилотон тӕхӕг аппаратты цехтӕ.
Уӕлдӕфон хъахъхъӕнынады фӕрӕзтӕ ӕрыппӕрстой 11 авиацион бомбӕ Hammer ӕмӕ залпон ӕхсты реактивон системӕ HIMARS-ы 28 сармадзаны, афтӕ ма 725 ӕнӕпилотон тӕхӕг аппараты.