ЦХИНВАЛ, 14 фев - Sputnik. Уӕлдӕфон хъахъхъӕнынады фӕрӕзтӕ знон ӕхсӕв скуынӕг кодтой 50 украинӕйаг ӕнӕпилотон тӕхӕг аппараты Уӕрӕсейы ӕртӕ регионы территорийыл, фехъусын кодтой Хъахъхъӕнынады министрады.
"Ивгъуыд ӕхсӕвы дӕргъы Уӕлдӕфон хъахъхъӕнынады фӕрӕзтӕ скуынӕг кодтой 50 украинӕйаг ӕнӕпилотон тӕхӕг аппараты, уыдонӕй 41 – Белгороды областы территорийыл, фондз дроны – Воронежы областы ӕмӕ цыппар та – Ростовы областы территорийыл", - дзырдӕуы хъусинаджы.