ЦХИНВАЛ, 17 фев – Sputnik. Хуссар Ирыстоны президент Гаглойты Алан ауагъта рабадт премьер-министр Джуссойты Константин, финансты министр Тадтаты Дзамболат ӕмӕ экономикон райрӕзты министр Хъотайты Сӕрмӕтимӕ, цы ран паддзахады сӕргълӕууӕгӕн бавдыстой 2026-2030 азтӕм республикӕйы социалон-экономикон рӕзтӕн ахъхазгӕнӕг паддзахадон программӕйы развӕлгъау проект.
Президент уӕлдай хъусдард аздӕхта хъӕууон хӕдзарад ӕмӕ туризмы райрӕзтмӕ. Паддзахады сӕргълӕууӕг бахӕс кодта лӕмбынӕг ӕркӕсын ацы къабӕзтимӕ баст фарстытӕм.
"Паддзахадон программӕйы сӕйраг нысӕнттӕ сты: экономикон рӕзт, туристон-рекреацион комплексы рӕзт, агросӕудӕджерадон секторы эффективондзинад фӕфылдӕр кӕнын, мидӕггагон базары хиарӕзт продуктты нымӕц фӕфылдӕр кӕнын, чысыл ӕмӕ астӕуккаг амалиуӕгадӕн хорз уавӕрты арӕзтад, афтӕ ма инфраструктурӕйы модернизаци", - дзырдӕуы президенты пресс-службӕйы хъусинаджы.
Уый размӕ хъусын кодтой, Хуссар Ирыстон ӕмӕ Уӕрӕсе кӕй райдыдтой цӕттӕ кӕнын республикӕйы социалон-экономикон рӕзтӕн ахъазгӕнӕг ног паддзахадон программӕ 2026-2030 азтӕм.