ЦХИНВАЛ, 17 фев – Sputnik. Цæгат Ирыстоны хæххон районты 17-æй 20-æм февральмæ уыдзæн тыхджын митуард, хъусын кæны цæгатирыстойнаг гидрометеорологи æмæ мониторингы центр.
Æвзæр боныгъæды тыххæй Хуссар Ирыстоны Уæлвæткон уавæрты министрад (УУМ) сиды æмбæстæгтæм, цæмæй ма цæуой Транскавказаг автомагистралыл ацы период.
Уагдон æвæстиатæй хъусын кæндзæн трассæйы куысты ивындзинæдты тыххæй информаци сæм куыд цæуа, афтæ.