ЦХИНВАЛ, 17 фев – Sputnik. Цӕгат Ирыстоны госпитализаци скодтой Хуссар Ирыстоны Паддзахадон автоинспекцийы дыууӕ кусӕджы туберкулезы диагнозимӕ. Уый тыххӕй Sputnik-ӕн фехъусын кодтой республикӕйы мидхъуыддӕгты министрады (МХМ) пресс-службӕйы.
Уагдоны информацимӕ гӕсгӕ, низ сбӕрӕг кодтой мидхъуыддӕгты органты кусджыты нывӕстон диспансеризацийы рӕстӕджы.
"МХМ медико-санитарон хайад ӕмӕ республикон тубдиспансер сбӕрӕг кодтой контактон гоймӕгты. Уагдоны арӕзт ӕрцыдысты ӕнӕмӕнгхъӕугӕ профилактикон мадзӕлттӕ", - дзырдӕуы хъусинаджы.
Фӕткдаруаты кусджытӕ, афтӕ ма сӕ бинонтӕ рацыдысты басгӕрст ӕмӕ ныр сты медицинон хъусдарды бын. Паддзахадон автоинспекцийы бӕстыхай ӕмӕ йӕ алыварс территорийы сарӕзтой дезинфекци.