ЦХИНВАЛ, 17 фев – Sputnik. Сывӕллӕтты нывты конкурс "Красота родного края" байгом уыдзӕн нывгӕнджыты Цӕдисы равдыстон залы Цхинвалы 21 февралы. Уый тыххӕй фехъусын кодта Цъунары студийы разамонӕг, Хуссар Ирыстоны адӕмон нывгӕнӕг Гӕбӕраты Борис.
Экспозици нывонд у ӕртӕ нысаниуӕгджын датӕйӕн: академик Джусойты Нафийы 100 азы юбилейӕн, Стыр Фыдыбӕстӕйон хӕсты Уӕлахизы 80 азы юбилейӕн ӕмӕ Фыдыбӕстӕ хъахъхъӕнӕджы бонӕн.
"Территориалон студи хауы Цхинвалы районмӕ, фӕлӕ ацы хатт аскъуыддзаг кодтам бавдисын куыстытӕ столицӕйы", - радзырдта Гӕбӕраты Борис.
Экспозицийы уыдзӕн 100 нывы, уыдоны ӕвдыст цӕудзӕн Хуссар Ирыстоны аив бынӕттӕ, Фыдыбӕстӕ хъахъхъӕнӕджы хуызӕгтӕ ӕмӕ афтӕ дарддӕр.
Цъунары аивады студи кусы Цъунары астӕуккаг скъолайы ӕвджид.