ЦХИНВАЛ, 18 фев – Sputnik, Дзæгъиаты Олег. Уæрæсейаг æмбæстагад кæмæн нæй, ахæм хуссарирыстойнаг æмбæстæгтæ 2025 азы 30-æм июнæй Уæрæсемæ цæуыны рæстæджы хъуамæ рацæуой дактилоскопон регистраци, афтæ ма сын сисдзысты сæ къам. Уый тыххæй Sputnik-ы брифингы рæстæджы радзырдта Хуссар Ирыстоны Фæсарæйнаг хъуыддæгты министрады (ФХМ) сæргълæууæг Джиоты Æхсар.
"Афтæ ма Уæрæсейы территоримæ бацæуынæй 72 сахаты раздæр, экстренон цауты рæстæджы та – 4 сахат раздæр хъæудзæн бадæттын куырдиат портал "Госуслуги"-ты", - банысан кодта министр.
Джиоты Æхсар бафтыдта, зæгъгæ, 6 азы онг кары сывæллæттæ æмæ Уæрæсейы æмбæстагад кæмæн ис, уыцы адæмæн ацы процедурæ цæуын нæ хъæуы.