ЦХИНВАЛ, 19 фев - Sputnik. Хуссар Ирыстоны милици ауагъта операци æмæ æрурæдта дыууæ хæдтулгæйы, цы ран ссардтой наркотиктæ. Уый тыххæй хъусын кæны республикæйы Мидхъуыддæгты министрады (МХМ) пресс-службæ.
Фыццаг хæдтулгæ, "Нива", æрурæдтой Аунеуы хъæуы цур. Басгæрсты рæстæджы милицийы кусджытæ ссардтой тыхтон гæнимæ. Медицинон басгæрст сбæлвырд кодта, шофыр æмæ пассажир кæй пайда кодтой наркотиктæй.
Уыцы бон ма ацы ран æрурæдтой ноджы иу хæдтулгæ, "ВАЗ-2107".
"Басгæрсты рæстæджы оперативон кусджытæ хæдтулгæйы ссардтой тыхтон гæнимæ", - дзырдæуы хъусинаджы.
Наркотикон буарадтæ арвыстой экспертизæмæ РХИ Мидхъуыддæгты министрады экспертон-криминалистон центрмæ. Цауы фæдыл басгæрст уадзы Знауыры районы мидхъуыддæгты хайад.