ЦХИНВАЛ, 20 фев – Sputnik, Плиты Фатимæ. Хуссар Ирыстоны генералон прокуратурæ фæхуыдта уæрæсейаг экспертты, цæмæй сын баххуыс кæной экономикон фыдракæндты фæдæвзарæны, фехъусын кодта республикæйы генералон прокурор Собаты Григорий уагдоны коллегийы рæстæджы.
"Бирæнымæц экономикон фыдракæндтæ не сбæлвырд кæнæм егъау экспертизæтæ ауадзыны æнæмæнгхъæуындзинад æмæ специалистты цухдзинады тыххæй", - банысан кодта цæстдардон уагдоны разамонæг.
Генпрокурор бахахх кодта, уæрæсейаг эксперттæ кæй ахуыр кæндзысты хуссарирыстойнаг коллегæты, æркæсдзысты иууыл вазынгджындæр хъуыддæгтæм æмæ бакæндзысты практикон æххуыс дæр.