ЦХИНВАЛ, 21 фев – Sputnik. Хуссар Ирыстоны номдзыд гид-экскурсовод Карсанты Гурам банхъардта ӕнӕмӕнгӕй аккредитаци кӕнын фӕсарӕйнаг гидты. Sputnik-ӕн йӕ интервьюйы рӕстӕджы уый банысан кодта, Уӕрӕсейы регионтӕй конкурентты куыст негативон ӕндӕвдад кӕны бынӕттон специалистты архайдыл.
"Мӕн фӕнды банхъарын нӕ хицауадмӕ, цӕмӕй фӕсарӕйнаг гидтӕ кусой бынӕттонтимӕ контакты", - фехъусын кодта Карсанты Гурам.
Гиды ныхӕстӕм гӕсгӕ, 2024 азы бирӕ хуссарирыстойнаг специалисттӕн фӕкъаддӕр сты сӕ заказтӕ фӕсарӕйнаг экскурсоводты архайды тыххӕй. Уый баст у уыимӕ, ӕмӕ туристтӕ ӕрцӕуынц Уӕрӕсейы уылты, уым та экскурсион лӕггӕдты базар у егъау ӕмӕ конкурентон.
"Цӕгат Ирыстоны ныридӕгӕн кусынц мингай гидтӕ. Алкӕцы дыккаг таксист ӕмӕ пенсионер дӕр ссис гид", - банысан кодта Карсанты Гурам.
Йӕ ныхӕстӕм гӕсгӕ, Кавказы ӕндӕр регионтимӕ чи у зонгӕ, уыцы туристты фӕфӕнды ӕрцӕуын Хуссар Ирыстонмӕ.