ЦХИНВАЛ, 25 фев – Sputnik. Хуссар Ирыстоны барадхъахъхъæнджытæ ивгъуыд къуыри срегистраци æмæ раргом кодтой иу фыдракæнд, хъусын кæны Мидхъуыддæгты министрады (МХМ) пресс-службæ.
Уагдоны бæрæггæнæнтæм гæсгæ, æхсæнадон фæтк фехалыны тыххæй милицийы кусджытæ æрцахстой иу адæймаджы.
Республикæйы фæндæгтыл иу къуыримæ регистраци æрцыд иу фæндагон-транспортон цау, уый фæстиуæгæн буары цæфтæ райста иу адæймаг.
Паддзахадон автоинспекцийы кусджытæ сбæрæг кодтой фæндагон змæлды 293 фæткхалды. Æхсæз шофыры фæдыл сарæзтæуыд административон протоколтæ автотранспорт нозтджынæй скъæрыны тыххæй.