ЦХИНВАЛ, 25 фев – Sputnik, Плиты Фатимӕ. Хуссар Ирыстоны фӕндагон службӕтӕ калынц республикон трассӕтыл ихы ныхмӕ буарад, фехъусын кодта республикӕйы автомобилон фӕндӕгты арӕзтады комитеты сӕргълӕууӕджы хӕдивӕг Гӕбӕраты Мурӕт.
Йӕ ныхӕстӕм гӕсгӕ, куыстытӕ цӕуынц штатон режимы, райсомӕй фӕндагон службӕтӕ рахызтысты трассӕтӕм.
Гӕбӕраты Мурӕт ма бафтыдта, зӕгъгӕ, дыццӕджы райсом ӕппӕт республикон фӕндӕгтӕ гом сты транспорты змӕлдӕн ӕвзӕр боныгъӕдмӕ ӕнӕкӕсгӕйӕ.
Уый размӕ Хуссар Ирыстоны УУМ фехъусын кодта, Транскавказаг автомагистраль кӕй сӕхгӕдтой автотранспорты алы хуызтӕн тыхджын митуард ӕмӕ зӕйтӕ ӕрцӕуыны тыххӕй.