ЦХИНВАЛ, 26 фев – Sputnik. Хуссар Ирыстоны мыхуыр ӕмӕ информацийы комитет режиссер Виктория Лазароваимӕ бавдисдзӕн Зары трагедийы 33-ӕм афӕдзы бонӕн нывонд документалон фильм "Унесенные в Заре".
Виктория Лазарова (Кокойты) у ирон чызг, сабибонтӕй фӕстӕмӕ нал цӕры Хуссар Ирыстоны, фӕлӕ йын ис ӕнгом бастдзинӕдтӕ йӕ райгуырӕн бӕстӕимӕ.
Документалон кинойы сюжет, сценарий ӕмӕ цауты бындуры сты режиссеры мысинӕгтӕ, уымӕн йӕ бинонтӕ ацыдысты Хуссар Ирыстонӕй нырма саби куы уыд, уӕд. Уымӕн хӕст ныууагъта стыр фӕд йӕ царды ӕмӕ ссис кинойы сырӕзты бындур.
Кино систа Лазаровайы командӕ 2022 азы мыхуыр ӕмӕ информацийы комитеты ӕххуысӕй.