ЦХИНВАЛ, 3 мар — Sputnik, Плиты Фатимæ. Хуссар Ирыстоны Мидхъуыддæгты министрады (МХМ) тагъд архайды къорды сырæзты 22-æм афæдзы боны цытæн уагдоны территорийыл ацыд бæрæгбонон æмбырд. Хæстонтæн сæ профессионалон бæрæгбоны фæдыл раарфæ кæнынмæ æрбацыд республикæйы президент Гаглойты Алан, мидхъуыддæгты министр Гуыцмæзты Алан æмæ æндæр официалон гоймæгтæ.
"Мæ зæрдæ уын зæгъы, цæмæй уæ службæ цæуа æнцонтæй, цæмæй уæ паддзахад уа сæрыстыр, адæмæн та дарддæр дæр уат ныфс", - бахахх кодта Гаглойты Алан.
МХМ сæргълæууæг Гуыцмæзты Алан бахахх кодта сæрмагонд къорды егъау хайбавæрд министрады куысты эффективондзинад фæфылдæр кæнынмæ.
Бæрæгбонон мадзалы рæстæджы сæрмагонд къорды цалдæр кусæджы схорзæхджын кодтой паддзахадон æмæ уагдонон майдантæй.
Хуссар Иры президент раарфæ кодта МХМ сæрмагонд къордæн сæ профессионалон бæрæгбоны фæдыл
© Фатима Плиева