ЦХИНВАЛ, 3 мар — Sputnik. Федералон æдасдзинады службæйы (ФÆС) кусджытæ æрцахсыны рæстæджы скуынæг кодтой Уæрæсейы æмбæстаджы, Централон Азийы бæстæтæй иуæй рацæугæйы – уый фæнд кодта сæххæст кæнын теракттæ мæскуыйаг метрополитены æмæ дзуттаг уагдоны Мæскуыгæроны, фехъусын кодтой уагдоны æхсæнадон бастдзинæдты Центры.
Уагдоны банысан кодтой, фыдгæнæг ныхмæ кæй фæлæууыд æмæ куынæг æрцыд.
Исламисты цæрыны бынаты басгæрсты рæстæджы ссардæуыд хæцæнгарз æмæ рæмудзæн æрмæджытæ.
Афтæ ма ФÆС бафтыдтой, зæгъгæ, терактты фæстæ радикал фæнд кодта ацæуын Афганистанмæ æмæ бахизын æхсæнадæмон террористон организацийы рæнхъытæм.