ЦХИНВАЛ, 4 мар – Sputnik. Цхинвалы милицийы экономикон фыдракӕндты ныхмӕ тохы фӕдыл фӕткдаруаты кусджытӕ сбӕрӕг кодтой нозты продукци уӕй кӕныны фехӕлдтӕ дыууӕ базарадон объекты, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.
Кафетӕй иуы ссардтой ӕнӕлегалон арахъхъ ӕмӕ бӕгӕны. Кафейы 49-аздзыд хицау сылгоймаджы фӕдыл сарӕзтой протокол административон фӕтхалды фӕдыл, уымӕн ӕмӕ ӕххӕст кодта амалиуӕгадон архайд ӕнӕ лицензийӕ.
Аналогион фӕткхалд сбӕрӕг кодтой ӕндӕр базарадон объекты дӕр, цы ран административон протокол сарӕзтой объекты 46-аздзыд хицау сылгоймаджы фӕдыл.
Ӕрмӕджытӕ бавдыстой Цхинвалы тӕрхондонмӕ.