ЦХИНВАЛ, 5 мар - Sputnik. Уӕлдӕфон хъахъхъӕнынады фӕрӕзтӕ ӕхсӕвы дӕргъы скуынӕг кодтой аст украинӕйаг ӕнӕпилотон тӕхӕг аппараты уӕрӕсейаг регионты, фехъусын кодтой Уӕрӕсейы Хъахъхъӕнынады министрады.
"Ивгъуыд ӕхсӕвы дӕргъы уӕлдӕфон хъахъхъӕнынады фӕрӕзтӕ скуынӕг кодтой аст украинӕйаг ӕнӕпилотон тӕхӕг аппараты: уыдонӕй ӕртӕ дроны Белогороды областы, ӕртӕ Хъырымы Республикӕйы ӕмӕ фӕйнӕ иу ӕнӕпилотон тӕхӕг аппараты Курскы ӕмӕ Брянскы областы", - дзырдӕуы хъусинаджы.