ЦХИНВАЛ, 13 мар – Sputnik, Дзӕгъиаты Олег. Ирон спортсменкӕ Танделаты Амина ссис Европӕйы чемпионаты ӕвзист призер 24 азы онг кары спортсменты ӕхсӕн Тиранайы (Албани).
Танделаты Амина ацыд дыккаг бынатыл 62 килограммы уӕзы категорийы. Амина ныддӕрӕн кодта йӕ ныхмӕлӕуджыты финалмӕ фӕндагыл ӕмӕ нӕ радта иу балл дӕр.
Финалон тохы Танделаты Амина фембӕлд украинӕйаг спортсменкӕ Ирина Бондаримӕ. Амина тохы райдайӕны сарӕзта цыппарбаллон бросок, фӕлӕ йе ‘нтыст адарддӕр кӕнын йӕ бон нал бацис ӕмӕ фембылд 8:4 хыгъдӕй.