ЦХИНВАЛ, 14 мар — Sputnik. Хуссар Ирыстонмӕ ӕрцӕуы Уӕрӕсейы экономикон райрӕзты министрады делегаци Максим Решетниковы сӕргълӕудӕй. Уый тыххӕй майрӕмбоны фехъусын кодта республикӕйы хицауады пресс-службӕ.
"Кусӕгон балцы фӕлгӕтты уӕрӕсейаг делегаци бабӕрӕг кӕндзӕн Инвестпрограммӕйы объекттӕ, афтӕ ма фембӕлдзӕн республикӕйы къухдариуӕгадимӕ, цӕмӕй ӕрныхас кӕной социалон-экономикон ӕмгуыстады фарстытыл", - дзырдӕуы хъусинаджы.
Уӕрӕсейаг делегацийы сконды ма сты: Уӕрӕсейы Федерацийы экономикон райрӕзты министры хӕдивӕӕг Дмитрий Вольвач, сӕрмагонд программӕтӕ ӕмӕ проектты фӕткдаруаты хистӕр Антон Мельник ӕмӕ ӕндӕр официалон гоймӕгтӕ.