ЦХИНВАЛ, 18 мар – Sputnik, Томайты Аманда. Хуссар Ирыстоны дыццæджы ссартой Ереды трагедийы амӕттӕгты рухс нӕмттӕ. Траурон митингмæ æрбацыдысты республикæйы разамынад зианбаййафджыты бинонтæ æмæ æввахс адæм.
Зианбаййафджыты хиуæттæй иу Тедеты Сослан куыд бансан кодта афтмæй, уыдон се ввахс адæмы агуырдтой дыууæ аз æмæ авд мæйы дæргъы.
"Мах цин кодтам хорз ныхас нæм-иу куы æрбайхъуыст, æмæ та иу масты бын фестæм нæ ныфс та-иу куы асаст. Ӕппын фæстаг нын гуырдзийаг фыййау бацамыдта са ингæн", - загъта Тедеты Сослан.
1991 азы 18 марты Ереды хъæуы цур гуырдзиаг хотыхджын ӕфсӕддонтӕ рахизын кодтой Дменисæй Цхинвалмæ цæуæг автобусæй 25 ироны. Сылгоймæгтæ æмæ сывæллæтты фæнадтой, стæй сæ ауагътой. 12 ирон нӕлгоймаджы та бирӕ фыдмиты фӕстӕ удæгасæй баныгæдтой. Бирӕ ӕзты дӕргъы уыдон нымад цыдысты ӕбӕрӕгӕй сӕфтыл. Сæ ингæны бынат сын ссардтой æрмæстдæр дыууæ азы фæстæ.
Хуссар Иры ссартой Ереды трагедийы амӕттӕгты рухс нӕмттӕ
© Sputnik / Михаил Авагимов