ЦХИНВАЛ, 19 мар — Sputnik. Уæрæсейы президент Владимир Путин Америкæйы Иугонд Штатты президент Дональд Трампимæ телефонæй ныхасы рæстæджы банысан кодта, Украинæйы конфликт кæй хъуамæ фæуа сабыр баныхасы руаджы.
Путин фехъусын кодта Трампæн, æртыццæджы, 19 марты уæрæсейаг æмæ украинæйаг фарс кæй ратдзысты кæрæдзийæн фæйнæ 175 æфсæддоны, кæцытæ уыдысты уацары. Афтæ ма Мæскуы ратдзæн Киевæн 23 уæззау цæф украинæйаг æфсæддоны.
Уæрæсейы президент бахахх кодта, конфликт цæмæй политико-дипломатон æгъдауæй лыг æрцæуа, уый тыххæй хъуамæ æрлæууын кæной æппæт фæсарæйнаг æфсæддон æххуыс Киевæн.
Путин хорзыл банымадта Трампы хъуыды, цæмæй УФ æмæ Украинæ 30 боны дæргъы мауал æхсой энергетикон инфраструктурæ.