ЦХИНВАЛ, 25 мар – Sputnik. Сывæллæтты футболон командæ "Барсалан" бацархайдзæн Цæгат Ирыстоны чемпионаты. Уый тыххæй Sputnik-æн фехъусын кодта спортивон скъола "Фыранк"-ы тренер Кокойты Юри.
"Апрелы райдианы байгом уыдзæн Цæгат Ирыстоны чемпионат. Уырдæм цæудзыстæм алы хуыцаубоны дæр", – загъта Юри.
Йæ ныхæстæм бафтыдта, сæрды Анапæйы турнирмæ дæр кæй хъавынц ацæуын.
"Июны фæнд кæнæм Анапæмæ. Ахæм фадат нын фæзынд ныййарджыты æххуысы руаджы. Уыдон ныр дыккаг аз архайынц азы балц барæвдз кæныныл. Стыр бузныг сын, уый нæ сывæллæтты фидæнæн аразæм", – радзырдта тренер.