ЦХИНВАЛ, 26 мар – Sputnik, Томайты Аманда. Сывæллæтты зарæджы æрвылазон республикон фестиваль "Звонкие нотки" ацæудзæн Цхинвалы 9 апрелы æмæ æрæмбырд кæндзæн хайадисджыты æппæт Хуссар Ирыстонæй. Уый тыххæй фехъусын кодта Сывæллæтты сфæлдыстады галуаны директоры хæдивæг Сиукъаты Мальвина.
"Ацы фестиваль ссис традицион. Йæ хайадисджытæ вæййынц республикæйы скъолаты 1-4 кълæсты ахуырдзаутæ", - радзырдта директоры хæдивæг.
Ацы аз организатортæ бахастой ивындзинæдтæ уагæвæрдмæ: алкæцы скъола дæр хъуамæ бавдиса йæ репертуары минимум иу уацмыс ирон æвзагыл.
Уымæй дарддæр ацы аз схорзæхджын кæндзысты æрмæст фестивалы хайадисджыты нæ, фæлæ ма сæ ахуыргæнджыты дæр.
Республикон фестиваль "Звонкие нотки"
© Photo : Дворец детского творчества