Цхинвалы бакодтой мемориалон фӕйнӕг СӔО-йы хайадисӕг Бестауты Азӕмӕтӕн; Хуссар Ирыстоны Фæсарæйнаг хъуыддæгты министрад (ФХМ) райдыдта исын документтæ 2025 азы МГИМО æмæ Дипломатон академимæ бацæуын кæй фæнды, уыцы æмбæстæгтæй; Цхинвалы иртасынц сыгъзӕрин ӕнӕзакъонӕй ӕлхӕныны хъуыддаг.
Номарӕн мадзалы хайад райстой зынгхуыст хъайтары хиуӕттӕ ӕмӕ ӕмгӕрттӕ, 4-ӕм уӕрӕсейаг ӕфсӕддон базӕйы къухдариуӕгад ӕхсӕнады минæвæрттæ; МГИМО ацы аз рахицæн кодта аст бынаты бакалавриаты программæтæм, æртæ бынаты магистратурæмæ æмæ дыууæ бынаты та аспирантурæйы программæтæм; Цхинвалы 35-аздзыд сылгоймаг ӕнӕзакъонӕй ӕлхӕдта сыгъзӕринӕй конд дзаумӕттӕ, 17-аздзыд лӕппуйӕ кӕй балхæдта, уыцы къухдарӕн та разынд давд.