ЦХИНВАЛ, 31 мар — Sputnik. Багаты Александр Хуссар Ирыстонӕй ссис Уӕрӕсейы чемпион уӕззау атлетикӕйӕ ӕрыгӕтты ӕхсӕн, фехъусын кодта республикӕйы фӕсивӕдон политикӕ ӕмӕ спорты комитеты пресс-службӕ.
Уӕрӕсейы чемпионат цыд Краснодары крайы.
"Багаты Александр рамбылдта 96 килограммы уӕзы категорийы", - банысан кодтой комитеты.
Спортсмен равдыста иттӕг хорз фӕстиуджытӕ: "рывок" - 139 кг, "толчок" - 181 кг, иумӕйаг фӕстиуӕг – 320 кг. Ацы бӕрӕггӕнӕнты руаджы Багаты Александр сӕххӕст кодта спорты мастеры норматив.
Комитеты банысан кодтой, ацы ерыстӕ кӕй уыдысты ӕвзарӕн этап дунейы фыццагадмӕ, уый цӕудзӕн апрелы кӕрӕтты Перуйы.
"Ӕнтыстджын ралӕуды фӕрцы Багаты Александр бахаудта Уӕрӕсейы командӕйы скондмӕ, ӕмӕ ныр тох кӕндзӕн дунейы ӕмвӕзады майдантыл", - бафтыдтой уагдоны.
Чемпионы тренировкӕ кӕнынц Кӕсӕбиты Эдуард ӕмӕ Инал.
Багаты Александр ссис Уӕрӕсейы чемпион уӕззау атлетикӕйӕ
© Photo : Пресс-служба комитета по молодежной политике и спорту РЮО