ЦХИНВАЛ, 31 мар – Sputnik, Дзӕгъиаты Олег. Хуссар Ирыстоны къуырисӕры фӕстаг хӕрзбон загътой сӕрмагонд ӕфсӕддон операцийы фӕмардуӕвӕг хӕстон (СӔО) Бестауты Феликсӕн.
Фыдохы митингмӕ ӕрбацыд Хуссар Ирыстоны къухдариуӕгад премьер-министр Джуссойты Константины сӕргълӕудӕй, республикӕйы тыхон структурӕты минӕвӕрттӕ, хӕстоны ӕмгӕрттӕ ӕмӕ ӕмкусджытӕ.
Хуссар Иры фӕстаг хӕрзбон загътой СӔО-йы фӕмардуӕвӕг хӕстон Бестауты Феликсӕн
© Sputnik / Михаил Авагимов
Фыдохы митингы рӕстӕджы банысан кодтой, Феликс кӕй уыд хъайтар хӕстон, уарзта йӕ Фыдыбӕстӕ ӕмӕ цӕттӕ уыд йӕ цард раттын йӕ Райгуырӕн бӕстӕйы сӕраппонд.
Бестауты Феликсыл цыд 44 азы, баззад ын чызг.
Хӕстоны мӕлӕты фӕстӕ схорзӕхджын кодтой "Фыдыбӕстӕ хъахъхъӕнӕгӕн" майданӕй.