ЦХИНВАЛ, 1 апр — Sputnik. Уæрæсейы хицауады закъоны проектон архайды фæдыл къамис хорзыл банымадта юстицийы министрады хъæппæрис, цæмæй уголовон бæрндзинад бакæной Фыдыбæстæ хъахъхъæнджыты цыртытæй хынджылæг кæныны тыххæй, фехъусын кодта РБК.
"Парламент ацы закъон куы райса, уæд æфхæрд уыдзæн – ивар 3 милуан сомы онг, кæнæ тыхыбын куыстытæ 3 азы онг, кæнæ та ахæст 3 азы онг", - дзырдæуы хъусинаджы.
Закъоны проект бацæттæ кодта юстицийы министрад президент Владимир Путины фæдзæхстмæ гæсгæ. Закъоны тых аххæссыд Уæрæсейы æфсæддон кады бонтæн нывонд мемориалтыл дæр.