ЦХИНВАЛ, 2 апр - Sputnik. Уæрæсе æмæ Абхазы æхсæн авиабастдзинад æххæст бæрцæй бакæндзысты 1 майы, фехъусын кодта Уæрæсейы Федерацийы президенты администрацийы сæргълæууæджы фыццаг хæдивæг Сергей Кириенко.
"Сухумы аэропорты авиабастдзинад æххæст бæрцæй реализаци æрцæудзæн 1 майæ", - хъусын кæны Sputnik Абхаз Кириенкойы ныхæстæ.
Сухумы аэропорт ис 18 километры дæрддзæф абхазаг столицæйæ, Драндайы хъæуы цур. Уæлдæфон наулæууæн арæзт æрцыд 1960-æм азты, сæхгæдтой йæ 1993 азы гуырдзиаг-абхазаг хæсты рæстæджы.