ЦХИНВАЛ, 4 апр – Sputnik. Хуссар Ирыстоны генералон прокуратурæ æмæ хъæды хæдзарады фæткдаруат сæ цæст дардзысты хъæд калынмæ. Уый тыххæй Sputnik-æн фехъусын кодта сæудæджерад, арæзтад, транспорт æмæ æрдзон ресурсты парламентон комитеты сæргълæууæг Сланты Иван.
"Парламенты ацыд кусæгон фембæлд. Мах фæхуыдтам куыстуат "Алания-Лес"-ы директоры, ацы уагдон нырма арæзт цæуы. Дзырд цыд хъæды экспортыл – 20 мин кубометры лыг кæндзысты æрвылаз. Прокуратурæ æмæ хъæды хæдзарад сæ цæст дардзысты ацы процессмæ. Хъæд калдзысты æрмæстдæр хъæды хæдзарады рекомендацитæм гæсгæ", - банысан кодта депутат.
Йæ ныхæстæм гæсгæ, Хуссар Ирыстон экспорт кæндзæн хъæдæй æрмæджытæ.
"Экспортмæ цæудзæн 2500 кубометры хъæды æрмæджытæ, афтæ ма хæдзары дзауматы хæйттæ – стъолтæ æмæ бандæтты къæхтæ, фæйнæджытæ. Уыдон æрвыст цæудзысты Уæрæсейы Федерацимæ", - банысан кодта Сланты Иван.
Депутат бафтыдта, зæгъгæ, компанийæн ныридæгæн ис бадзырдтæ уæрæсейаг партнертимæ.