ЦХИНВАЛ, 4 апр - Sputnik. Дӕс азы дӕргъы 500 сывӕллоны бӕрц рацыдысты ахуыр студи "Фӕндиаг"-ы Цӕгат Ирыстоны, уым ахуыр цӕуы ӕрмӕстдӕр ирон ӕвзагыл, фехъусын кодта республикӕйы сӕргълӕууӕг Сергей Меняйло.
"Фӕндиаг" у иунӕг Цӕгат Кавказы ӕмӕ Уӕрӕсейы ахӕм уагдӕттӕй иу, цы ран ахуыр цӕуы иу ӕвзагыл, мах республикӕйы – ирон ӕвзагыл, студийы педагогтӕ цы сӕрмагонд методикӕ сарӕзтой, уымӕ гӕсгӕ", - ныффыста регионы сӕргълӕууӕг йӕ ТГ-каналы.
Афтӕ ма скъолайы сывӕллӕттӕн амомынц алыгъуызон дӕсниӕдтӕ.
"Ахӕм хъӕппӕристӕн, кӕй зӕгъын ӕй хъӕуы, ӕххуыс кӕндзыстӕм", - бахахх кодта Меняйло.
Йӕ ныхӕстӕм гӕсгӕ, "Фӕндиаг" бахаудта социалон амалиуӕггӕнджыты уӕрӕсейаг реестрмӕ, 2024 азы та ссис "Мой добрый бизнес" конкурсы уӕлахиздзау.