ЦХИНВАЛ, 7 апр — Sputnik. Дыууӕ адӕймаджы фӕхъӕстӕ сты газӕй Цхинвалы микрорайон БАМ-ы ӕмӕ сӕ бакодтой Республикон бирӕпрофилон медицинон центрмӕ (РБМЦ), фехъусын кодта республикӕйы мидхъуыддӕгты министрады (МХМ) пресс-службӕ.
"Абон газӕй фӕхъӕстӕйы цау ӕрцыд микрорайон БАМ-ы. Зианбаййафджытыл цӕуы 24 ӕмӕ 17 азы, уыдоны бакодтой медицинон уагдонмӕ", - дзырдӕуы уагоны хъусинаджы.
Министрады бахахх кодтой, зианбаййафджыты цардӕн кӕй ницы тас ис.
Барадхъахъхъӕнджытӕ бӕрӕг кӕнынц цауы ӕууӕлтӕ. Газы службӕйы специалисттӕ бӕрӕг кӕнынц газы ифтонггарзы уавӕр фатеры.