ЦХИНВАЛ, 8 апр — Sputnik, Плиты Фатимæ. Цхинвалы бафыстой бадзырд Уæрæсе æмæ Хуссар Ирыстоны æхсæн æфсæддон-техникон æмгуыстады фæдыл.
Документ бафыстой Хуссар Ирыстоны хъахъхъæнынады министры хæстæ æххæстгæнæг Сабанты Инал æмæ Уæрæсейы минæвар Хуссар Ирыстоны Марат Кулахметов. Мадзалы хайад райстой республикæйы президент Гаглойты Алан æмæ Хуссар Ирыстоны фæсарæйнаг хъуыддæгты министр Джиоты Æхсар.
Ацы документ у ахсджиаг къахдзæф Уæрæсе æмæ Хуссар Ирыстоны æхсæн æфсæддон-техникон æмгуыстад рауæрæх кæнынæн.