ЦХИНВАЛ, 8 апр – Sputnik, Дзӕгъиаты Олег. Ирон уӕгъдибар хъӕбысӕйхӕцджытӕ Тускъаты Азӕмӕт ӕмӕ Байаты Давид ахызтысты Европӕйы чемпионаты финалмӕ, Братиславайы (Словаки).
Тускъаты Азӕмӕт тох кӕндзӕн сыгъзӕрин майданыл 57 килограммы уӕзы категорийы, уый архайы ӕхсӕнадӕмон аренӕйы Сербийы тырысайы бын. Ирон хъӕбысӕйхӕцӕджы ныхмӕлӕууӕг уыдзӕн Начын Монгуш (Уӕрӕсе).
Тускъаты Азӕмӕт
© Photo : Объединенный мир борьбы (United World Wrestling)
Байаты Давид та тох кӕндзӕн 70 килограммы уӕзы категорийы финалы Арман Андреасянимӕ (Сомихстон).
Ноджы дыууӕ ирон хъӕбысӕйхӕцӕджы, Гулаты Ӕхсарбег (Словаки, 79 кг) ӕмӕ Цӕкуылаты Батырбег (Словаки, 97 кг), хайад райсдзысты бронзӕйыл стох кӕныны бар райсыны раунды.