ЦХИНВАЛ, 11 апр - Sputnik. Цæгат Ирыстоны националон проектты реализацийæн рахицæн кодтой дыууæ миллиард сомæй фылдæр азы фыццаг кварталы, фехъусын кодта республикæйы сæргълæууæг Сергей Меняйло.
Йæ ныхæстæм гæсгæ, реализацийы темптæм гæсгæ лидер у нацпроект "Продолжительная и активная жизнь" – æртæ мæймæ ацы проектæн сæххæст кодтой 42 процентæй фылдæр.
"Ацы аз хайад исæм 12 националон проекты, цы ран ис 38 федералон инициативæйы. Финанскæнынады иумæйаг гуырахст у 9,4 миллиард сомы, уыдонæй 2,3 миллиард сомы сты республикон бюджеты фæрæзтæ", - банысан кодта республикæйы сæргълæууæг.
Сергей Меняйло фехъусын кодта, министрæдты раз кæй æрæвæрдта хæс: адарддæр кæнын активон куыст æпппæт проектты реализацийы фæдыл æмæ цæст дарын рахицæнгонд финансты хардзкæнынадмæ.