ЦХИНВАЛ, 11 апр - Sputnik. Цхинвалы цӕрӕг сылгоймаг арвыста фӕлывд гоймӕгтӕн 30 мин сомы, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.
"Зианбаййафӕг сылгоймагмӕ ӕрбацыд йӕ хӕстӕджы басӕтгӕ аккаунтӕй хъусинаг, цӕмӕй йын ӕхца арвита, ӕмӕ ма йын дзырд радта, ӕртӕ боны ӕмгъуыдмӕ йын фӕстӕмӕ кӕй ратдзысты хӕс. Сылгоймаг сразы ӕмӕ арвыста фӕлывд гоймӕгтӕн 29 700 сомы", - радзырдтой уагдоны.
Фӕстӕдӕр сылгоймаг базыдта, йӕ хӕстӕг ӕм кӕй нӕ арвыста хъусинаг ӕхцаты фӕдыл.
"Развӕлгъау бӕрӕг ӕрцыд, фыдгӕнджытӕ кӕй архайдтой Централон Азийы бӕстӕтӕйӕ иуӕй. Ныртӕккӕ цауы фӕдыл басгӕрст уадзы Цхинвалы мидхъуыддӕгты хайад", - банысан кодтой министрады.
Уагдоны рекомендаци кӕнынц ма тагъд кӕнын ахӕм цауты рӕстӕджы ӕмӕ бадзурын хъусинаг сӕм чи рарвыста, уымӕ.