ЦХИНВАЛ, 15 апр - Sputnik. Медицинон уагдӕттӕ хостӕй сифтонг кӕнын ӕмӕ медицинон лӕггӕдты гъӕды контроль уыдысты Гаглойты Алан ӕмӕ ӕнӕниздзинад хъахъхъӕнынады къухдариуӕгады рабадты темӕтӕ, хъусын кӕны паддзахады сӕргълӕууӕджы пресс-службӕ.
"Рабадты рӕстӕджы дзырд цыд республикӕйы медицинон уагдӕттӕ хостӕй сифтонг кӕнын, хостӕ ӕмбӕстӕгты уӕлбар категоритӕн раттын, афтӕ ма медицинон лӕггӕдты гъӕды контролыл", - банысан кодтой пресс-службӕйы.
Уымӕй дарддӕр ӕрныхас кодтой хостӕ хардз кӕныныл ӕмбӕлон контроль кӕй нӕй, ууыл.
Рабадты кӕрон президент бахӕс кодта ӕвӕстиатӕй бакусын ӕмӕ бавдисын дырыс хъӕппӕристӕ проблемӕтӕ аскъуыддзаг кӕнынӕн.