ЦХИНВАЛ, 15 апр - Sputnik. Хуссар Ирыстоны культурæйы министрады дæлбар хореографион скъола-студийы финансон-хæдзарадон архайды басгæрст райдыдтой уагдоны раздæры бухгалтеры куырдиаты фæстæ республикæйы закъондæттынады фæлгæтты. Уый тыххæй фехъусын кодтой Генпрокуратурæйы интернеты скъолайы басгæрсты фæдыл публикацитæ кæй фæзынд, уымæн комментари дæтгæйæ.
"Закъонмæ гæсгæ прокуратурæйы органтæ хъуамæ сæ цæст дарой закъоны фехæлдтæм æмæ æххæст кæной басгæрст. Бухгалтерийы раздæры кусæджы куырдиат финансон фехæлдты фæдыл уыд фаг барадон бындур, цæмæй райдайой басгæрстон мадзæлттæ", - бахахх кодтой уагдоны.
Прокуратурæйы банысан кодтой, басгæрст уагъд кæй цæуы Мидхъуыддæгты министрады экономикон фыдракæндты ныхмæ тохы фæдыл фæктдаруаты кусджытимæ регламент æмæ закъонмæ гæсгæ, процессуалон нормæтæ æххæст гæнгæйæ. Уагдоны кусджыты æмæ æнахъомты бартæ хъахъхъæнын басгæрсты рæстæджы та у барадхъахъхъæнджыты приоритет, бафтыдтой прокуратурæйы.