ЦХИНВАЛ, 17 апр – Sputnik, Дзӕгъиаты Олег. Дургуысты завод "Импульс-А"-йӕн ис ӕппӕт фадӕттӕ, цӕмӕй уа Хуссар Ирыстоны экспорты флагман, банысан кодта Sputnik-ы пресс-конференцийы рӕстӕджы республикӕйы базарадон минӕвар Уӕрӕсейы Таймураз Гогинов.
"Мӕ хъуыдымӕ гӕсгӕ, Уӕрӕсейы нӕй ахӕм регионтӕ, цы ран нӕ аргъ кӕнынц ӕрдзон дурӕн, хуссарирыстойнаг дурӕн та ис диссаджы аив ӕмӕ уникалон хуыз. Уый фӕдыл ӕз хъуыды кӕнын, алкӕцы регионы дӕр ис нӕ продукци актуалон кӕмӕн уыдзӕн, ахӕм компанитӕ. Уӕрӕсейы сӕйраг базар, кӕй зӕгъын ӕй хъӕуы, у Мӕскуы, ӕмӕ заводы продукцийы фылдӕр хай дӕр экспорты цӕудзӕн уырдӕм", - загъта базарадон минӕвар.
Гогинов ма бафтыдта, зӕгъгӕ, хуссарирыстойнаг продукци конкурентон уыдзӕн ахӕм егъау горӕттӕ куыд Мӕскуы ӕмӕ Санкт-Петербурджы дӕр.
Таймураз Гогинов
© Sputnik / Михаил Авагимов