ЦХИНВАЛ, 18 апр - Sputnik. Уӕлдӕфон хъахъхъӕнынады фӕрӕзтӕ ивгъуыд ӕхсӕв скуынӕг кодтой 56 украинӕйаг ӕнӕпилотон тӕхӕг аппараты Уӕрӕсейы регионты, фехъусын кодтой Хъахъхъӕнынады министрады.
"Ивгъуыд ӕхсӕвы дӕргъы уӕлдӕфон хъахъхъӕнынады фӕрӕзтӕ скуынӕг кодтой 56 украинӕйаг ӕнӕпилотон тӕхӕг аппараты Уӕрӕсейы регионты: уыдонӕй 27 ӕрыппӕрстой Воронежы областы, 12 – Белгороды областы, 12 дроны скуынӕг кодтой Азовы денджызы акваторийы, ӕртӕ ӕнӕпилотон тӕхӕг аппараты ӕрыппӕрстой Республикӕ Хъырымы ӕмӕ фӕйнӕ иу та – Ростовы областы ӕмӕ краснодары крайы территорийы", - дзырдӕуы хъусинаджы.