ЦХИНВАЛ, 29 апр – Sputnik. Хуссар Ирыстоны президент Гаглойты Алан раарфæ кодта газет "Республика"-йы коллективæн 30 азы юбилейы цытæн, хъусын кæны паддзахады сæргълæууæджы пресс-службæ.
Президент бахахх кодта, газет "Республика" кæй фæзынд Хуссар Ирыстонæн уæззау рæстæджы æмæ ссис æхсæнадон рупор.
"Газет "Республика"-йæн фыццаг номыртæй ныры онг ис активон граждайнаг позици, газет у объективон информацийы ратæдзæн, æхсæнадон диалог сфидар кæныны инструмент", - дзырдæуы президенты арфæйы телы.
Гаглойты Алан бафтыдта, зæгъгæ, æртын азы дæргъы газет рухс тауы бæстæйы æппæт цаутыл, фидар кæны граждайнаг æмæ националон хæзнатæ.