ЦХИНВАЛ, 5 май - Sputnik. Хуссар Ирыстоны мидхъуыддæгты органты кусджыты ракодтой службæйы фæтыхджындæргонд режиммæ Уæлахизы Боны цытæн мадзæлтты рæстæджы, фехъусын кодта республикæйы Мидхъуыддæгты министрады (МХМ) пресс-службæ.
Уагдоны банысан кодтой, æхсæнадон фæтк кæй хъахъхъæндзысты министрады 500 кусæджы бæрц.
"Республикæйы столицæ æмæ районты милицийы кусджытæ хъахъхъæндзысты æхсæнадон фæтк массон мадзæлтты рæстæджы. Фæтыхджындæр кодтой рейдон мадзæлттæ æмæ стационарон посттæ фæндæгтыл", - радзырдтой министрады.
Æхсæнадон фæтк хъахъхъæнынмæ ма æрбаздахтой кинологон службæ æмæ инженерон-саперон къордты техникон фæрæзтимæ.