ЦХИНВАЛ, 5 май – Sputnik. Хуссар Ирыстоны территорийыл ивгъуыд къуыри регистраци ӕрцыд дыууӕ фыдракӕнды, уыдон раргом кодтой мидхъуыддӕгты органты кусджытӕ. Уый тыххӕй хъусын кӕны Мидхъуыддӕгты министрады (МХМ) пресс-службӕ.
Алыгъуызон ӕхсӕнадон фӕткхӕлдты тыххӕй милицийы кусджытӕ ӕрцахстой дыууӕ адӕймаджы.
"Республикӕйы иу къуыримӕ ӕрцыд иу фӕндагон-транспортон цау, уый фӕстиуӕгӕн иу адӕймаджзы буары цӕфтимӕ бакодтой Республикон бирӕпрофилон медицинон центрмӕ", - банысан кодтой уагдоны.
Паддзахадон автоинспекцийы кусджытӕ ивгъуыд къуыри сбӕрӕг кодтой фӕндагон змӕлды 269 фӕткхалды. Фондз шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.