ЦХИНВАЛ, 7 мая – Sputnik. Цхинвалы цæрæг рагæпп кодта кодта Республикон бирæпрофилон медицинон центры 4-æм уæладзыгæй. Хабар æрцыд дысон 23:05 сахатыл.
"Барадхъахъхъæнджытæ куыд сбæрæг кодтой, афтæмæй нæлгоймаг медицинон уагдоны уыдис стационарон æгъдауæй хос кæнынмæ. Развæлгъау бæрæггæнæнтæм гæсгæ, рагæпп кодта цыппæрæм уæладзыгæй. Уый фæстиуæгæн райста бирæнымæц буары цæфтæ æмæ ис реанимацион хайады", – фехъусын кодта мидхъуыддæгты министрад.