ЦХИНВАЛ, 19 май — Sputnik. Хуссар Ирыстоны юстицийы министр Джиоты Алан æмæ Уæрæсейы тæрхондоны пъырыстыфты Федералон службæйы директор Дмитрий Аристов ауагътой кусæгон фембæлд XIII Петербургаг æхсæнадæмон юридикон форумы фæлгæтты. Уый тыххæй хъусын кæны республикæйы юстицийы министрады пресс-службæ.
Афтæ ма баныхасы хайад райстой РХИ юстицийы министры хæдивæг Цхуырбаты Нина æмæ РХИ тæрхондоны пъырыстыфты службæйы разамонæг Дзæгъиаты Вадим.
Фарсытæ æрдзырдтой Хуссар Ирыстоны тæрхондоны пъырыстыфты кусджыты пенсион ифтонгады фæдыл бадзырды реализацийы механизмтыл.
Петербургаг æхсæнадæмон юридикон форум у сæйраг фæзуат юридикон, амалиуæгадон æмæ барадхъахъхъæнæг æхсæнæдты минæвæртты æхсæн диалогæн.