ЦХИНВАЛ, 26 май – Sputnik. Республикæйы территорийыл ивгъуыд къуыри милицийы кусджытæ æрцахстой æхсæз адæймаджы алыгъуызон æхсæнадон фæткхæлдты тыххæй, хъусын кæны Хуссар Ирыстоны Мидхъуыддæгты министрады (МХМ) пресс-службæ.
Республикæйы фæндæгтыл ацы период æрцыд цыппар фæндагон-транспортон цауы, авариты фæстиуæгæн æртæ адæймаджы райстой буары цæфтæ. Паддзахадон автоинспекцийы кусджытæ иу къуыримæ сбæрæг кодтой фæндагон змæлды 241 фæткхалды.
Пресс-службæйы бафтыдтой, зæгъгæ, Хуссар Ирыстоны ивгъуыд къуыри не срегистраци кодтой фыдракæндтæ.