ЦХИНВАЛ, 6 июн — Sputnik. Хуссар Ирыстоны хъахъхъæнынады министр Юрий Яровицкий инспекцион балцы бацыд ахуырадон центр æмæ Кадетон скъоламæ, фехъусын кодта республикæйы Хъахъхъæнынады министрады пресс-службæ.
Уагдоны сæргълæууæг инспекцион балцы рæстæджы базонгæ ахуырадон процессимæ, специалистты цæттæкæнынады уавæртæ æмæ объектты материалон-техникон базæимæ. Ахуырадон центры министр басгæрста ахуырадон программæтæ, тренировкæты фæзуæттæ æмæ методикон æрмæджытæ.
РХИ хъахъхъæнынады министр инспекцион балцы бацыд ахуырадон центр æмæ Кадетон скъоламæ
© Photo : Пресс-служба Минобороны РЮО
Юрий Яровицкий бæрзонд аргъ скодта Кадетон скъолайы ахуырадзауты мотиваци, сæ ахуыры æмæ цардуагон уавæртæн.
Басгæрсты фæстиуджытæм гæсгæ аскъуыддзаг кодтой райсын къорд мадзалы, цæмæй фæхуыздæр уа æфсæддонты цæттæ кæныны гъæд.