ЦХИНВАЛ, 26 июн – Sputnik, Дзæгъиаты Олег. Ирон спортсментæ æнтыстджын архайд скодтой Уæрæсейы фыццагады уæззау атлетикæйæ 23 азы кары онг спортсменты æхсæн Южно-Сахалинскы, уыдон рамбылдтой дыууæ сыгъзæрин æмæ дыууæ бронзæйон майданы.
Чилæхсаты Мæдинæ бацахста фыццаг бынат 76 килограммы уæзы категорийы. Ирон спортсменкæ иумæйагæй систа 215 килограммы.
Ирон штангисттæ æнтыстджын архайд скодтой Уæрæсейы фыццагады
© Photo : Пресс-служба Минспорта Северной Осетии
Теблойты Сæрмæт та рамбылдта сыгъзæрин майдан 109 килограммы уæзы категорийы. Сæрмæты иумæйаг фæстиуæг у 364 килограммы.
Уæрæсейы фыццагады бронзæйон майдантæ рамбылдтой Анастасия Черемных (49 кг) æмæ Мæрзойты Георгий (96 кг).
Уæрæсейы фыццагад уæззау ателтикæйæ 23 азы кары онг спортсменты æхсæн ацыд Южно-Сахалинскы. Турниры майдантыл тох кодтой 200 спортсмены бæрц 53 регионæй.