ЦХИНВАЛ, 1 июл – Sputnik. Хуссар æмæ Цæгат Ирыстоны мидхъуыддæгты министртæ Мамиты Эрислав æмæ Демьян Лаптев æруынаффæ кодтой æдасдзинады къабазы æмгуыстады фарстатыл. Фембæлд ацыдис Дзæуджыхъæуы.
Æхсæнадæмон террористон æмæ националистон организациты архайд тыхджындæр æмæ тæссагдæр кæй кæны, уымæ гæсгæ сабырдзинадыл кусын хъæуы æмдыхæй. Дыууæ республикæйы арæнгæрон районты мидхъуыддæгты органты кусджытæ ныхас кодтой, терроризм, экстремизм æмæ æнæзакъон миграцийы ныхмæ фæлæууынæн цы мадзæлттæ саразын хъæуы, уыдоныл. Хицæн æргом аздæхтой фæндагон змæлды æдасдзинадмæ дæр.