ЦХИНВАЛ, 3 июль – Sputnik, Плиты Фатимæ. Цхинвалы Æрыгон техникты станцæйы фæзындзæн ногдзинæдтæ – ныртæккæ дзы робототехникæйæ æмæ дронтимæ архайынæй цы дыууæ секцийы ис, уыдоны сифтонг кæндзысты ног гарзæгтæй. Уымæй уæлдай уагдоны байгом кæндзысты ноджыдæр фондз секцийы бæрц информацион технологиты къабазы. Уыдон уыдзысты фидæны "Кванториум"-ы хай, радзырдта Sputnik-æн станцæйы директор Къалаты Нариман.
Уыимæ йæ ныхæстæм бафтыдта, зæгъгæ, ныхас цæуы уагдон кусджыты квалификаци фæбæрзонддæр кæныныл дæр. Уый тыххæй, чи зоны, бахъæуа, нырыккон компьютерон технологитимæ хорз зонгæ чи у, ахæм специалистты æрхонын.